Çулсеренех  эпир ака уйăхĕн  25-мĕшĕнче  Чăваш     чĕлхи кунне  уявлатпăр. Çурхи чĕрĕлÿпе   пĕрле килекен  ку уяв чăвашсене çутта кăларнă сумлă педагогăн И.Я. Яковлев  ячĕпе  тачă çыхăнса тăрать.

Чǎваш чěлхи кунě тěлне Курнавǎшри пěтěмěшле пěлÿ  паракан вǎтам  шкулта хаçатсен конкурсне йěркеленě. Ирхине ирех  ачасем И.Я.Яковлев, Ухсай Яккǎвě, Г.Н.Волков çинчен  кǎларнǎ  хаçатсемпе  паллашрěç.  Уроксем хыççǎн вара «Тǎван чěлхем –  таса хěлхем» литературǎпа музыка уявě иртрě. Уявра чǎвашла сǎвǎсемпе юрǎсем янǎрарěç.