Нарăc уйăхĕн 2-мĕшĕнче Курнавăшри пĕтĕмĕшле пĕлÿ паракан вăтам шкулта «Чĕвĕлти чĕкеç – чĕлхе пĕлни пурне те кирлĕ» вăйă конкурс иртрĕ. Ку вăййа 2-11 классенче вĕренекен 49 ача хутшăнчĕ. 2-3, 4-5, 6-7, 8-9, 10-11 классенчи вĕренекенсем уйрăмшарăн тупăшрĕç. Вăйă конкурсра уйрăмах 5, 6, 7, 8-мĕш классем хастар пулнине палăртмалла.
Вĕренекенсене чăваш чĕлхипе пурĕ 30 тĕрлĕ ĕç сĕннĕ. Ăна пурнăçлама 1 сехет те 15 минут уйăрнă. Çĕнтерÿçĕсем дипломсемпе парнесене тивĕçĕç.