Паян, чӳк уйăхěн 16-мĕшĕнче, чăваш халăхĕн мухтавлă поэчĕ Çеçпĕл Мишши çуралнăранпа 123 çул çитрĕ. Çавна май Елчěк районěнчи Курнавăшри пěтěмěшле пěлӳ паракан вăтам шкулта паллă çыравçа халалланă мероприятисем иртрěç. Ăна чăваш чĕлхипе литературине вĕрентекенсем, класс ертӳçисем тата воспитательсем йěркелерěç.

Çĕçпěл  Мишши сăввисенче  вăл  пурнăçа  юратни,  ĕç çыннисем  йывăр  кĕрешӳре  çĕнтерессине  ĕненни,  этемлĕхĕн  малашлăхĕ  телейлĕ   пулассине çирĕп  шанса  тăни   палăрса тăрать. "Çеçпĕл Мишши - çěнě пурнăç юрăçи" презентацие пăхнă май вěренекенсем  унăн пурнăçĕпе тата пултарулăхĕпе тарăнрах паллашрĕç, вилӗмсӗр поэт пулнӑ вырӑнсем тӑрӑх утса тухрӗç.

8-мěш класра  вĕренекенсем вара  унăн  «Çěн кун аки», «Катаран каç килсен», «Тинĕсе», «Инçе çинçе уйра уяр…»  сăввисене вуласа тишкерчěç. Кăвар  чĕреллĕ  поэт  сăнарĕ   пурнăçа  вĕçĕмсĕр  юратма,  телейлĕ  пуласлăха  ĕненме, ĕмĕтленме,  хастар  та  хăюллă  пулма  суннине палăртрěç. Шкул ачисем Çеçпĕл Мишши пĕр хăйĕн чапĕшĕн çеç хыпса çунакан поэт пулманнине ӑнланчӗҫ, тӑван чӗлхене манӑҫа кӑлармалла маррине ҫирӗплетрӗç.

Паянхи кун  пуриншĕн те усăллă пулчĕ.