Елчěк муниципаллă округěн Курнавăш вăтам шкулěнчи пуçламăш классенче вĕренекенсем ака уйăхӗн 7-мӗшне чăваш халăхне çутта кăларнă Аслă вĕрентекенĕмĕре халалларӗç.  И.Я.Яковлев мăнаçлăхне туйтарас, халăх сăмахлăхĕпе усă курма, ăна ăнланма вĕрентес тĕллевпе  «Эпир – И.Я.Яковлев вĕренекенĕсем» вăййа хутшăнчӗç. Вĕренекенсем И.Я.Яковлевăн ача-пăча валли çырнă калавĕсене аса илчĕç, вĕсенче вĕрентсе каланисемпе тата ваттисен сăмахĕсемпе усă курнине тишкерчĕç  Ăна халалласа сăвăсем вуларĕç, панă ыйтусене хавхаланса хуравларĕç.

   Юлашкинчен  3-4-мӗш классенче вӗренекенсем И.Я.Яковлев çырнă «Лаша шырани» калав тăрăх сценка  выляса кăтартрӗç. Вăййа ачасем пурте хастар хутшăнчĕç.