Елчĕк муниципаллă округĕн пĕтĕмĕшле пĕлӳ паракан Курнавăш вăтам шкулĕнче ОВЗ (сусăр) ачасемпе ĕçленĕ чухне палăртнă тĕллевсене тĕпе хурса ĕçлетпĕр. Вěсенчен пĕри вăл - хамăрăн культурăпа, йăла-йĕркепе, паллă çынсен пурнăçĕпе паллаштарса ачасен тавракурăмне ӳстересси.

Чи асра юлмалли чăваш халăхĕн пархатарлă çыннисенчен пĕри вăл - И.Я.Яковлев сăнарĕ. Хăйĕн нумай ырă ĕçĕсемпе палăрса пирĕн халăхăн, ачасен чĕрисене кĕрсе вырнаçнă вăл. 2023 – мĕш çулта И.Я.Яковлевăн 175-мĕш юбилейне халалласа нумай уявсем ирттерчĕç. Эпир те çак сăваплă ĕçрен аякра юлас темерĕмĕр. «Унăн сăнарĕ пирĕн асăмра» ятлă калаçу сехечĕ ирттертĕмěр.  И.Я.Яковлев çырнă илемлĕ хайлавсене вуласа ачасем ашшĕ-амăшне мĕн пĕчĕкрен хисеплемеллине, ватлăха уямаллине, тимлĕх уйăрмаллине палăртса хăвартăмăр.

Юлашкинчен ачасем Улăпăмăрăн сăнарне яланах асра тытса, хут çине ӳкерсе пама пултарчĕç.