Паян, ака уйăхěн 20-мěшěнче, Елчěкри культура çуртěнче Телейлě ачалăх çулталăкне халалланă  театрсен республика фестивалěн муниципалитет тапхăрě иртрě. Унта шкулсенчи пултарулăх коллективěсем хутшăнчěç. Ăна тăван чěлхене хисеплеме  вěрентес,   ачасен сцена çинче выляс ăсталăхне ӳстерес тěллевпе ирттерчěç.  

Пĕтĕмĕшле пĕлӳ паракан Курнавăш вăтам шкулĕнчи  6-7 классенче  вěренекенсенчен йěркеленě   артистсем   те унта хутшăнчěç. Вěсем  И.Я. Яковлевăн  «Суеçě» калавě тăрăх хатěрленě инсценировка кăтартрěç. Куракансем çамрăк артистсен пултарулăхěнчен  тěлěнчěç, уйрăмах кěтӳç рольне  ăста  вылянине  палăртрěç.

Артистсене   саламлатпăр, малашне те ăнăçу сунатпăр!