Пуш уйӑхӗн 1-мӗшӗнчен пуҫласа ака уйӑхӗн 30-мӗшӗччен Трубина Мархви 135 ҫул ҫитнине халалланӑ  «Асӑнмалӑх, савӑнмалӑх» регионсем хушшинчи  викторина иртрӗ. Ӑна Трубина Мархви ячӗллӗ ҫемье вулавӗн центрӗпе Чӑваш чӗлхипе литературин учителӗсен ассоциацийӗ, И.Н.Ульянов ячӗллӗ Чӑваш патшалӑх университечӗ  тата «Тантӑш» хаҫат йӗркеленӗ.

Чӗмпӗрти чӑваш шкулӗнче вӗреннӗ, РСФСР шайӗнче Ленин орденне тивӗҫнӗ учителӗн тата чӑвашла ҫыракан малтанхи хӗрарӑм писательницӑсенчен пӗрин «Мучар», «Асӑнмалӑх, савӑнмалӑх», «Ача чухнехи» ятлӑ хайлавӗсем уйрӑмах паллӑ. Ҫыравҫӑ 1888 ҫулхи авӑн уйӑхӗн 2-мӗшӗнче Куславкка районӗнчи Куснар ялӗнче ҫуралнӑ. Вырӑнти 7 класлӑ шкулта ачасене вырӑс чӗлхипе литературине 30 ҫула яхӑн вӗрентнӗ.

Елчӗк муниципаллӑ округӗн пӗтӗмӗшле пӗлӳ паракан Курнавӑш вӑтам шкулӗнчи вӗренекенсем  те викторинӑна хастар хутшӑнчӗҫ. 10-мӗш класра вӗренекен Корнилов Кирилл вара призерсен йышне кӗме пултарчӗ.

Саламлатпӑр!