2023 çулхи  юпа уйăхĕн 9 –мĕшĕнче  Елчĕк  муниципаллă округĕнчи Курнавăшри пĕтĕмĕшле пĕлӳ паракан  вăтам шкулта  Чăваш Республикин  культурăн тава  тивěçлě ěçченěпе Светлана Владимировна Печниковăпа тĕлпулу иртрĕ.

 Чи малтанах юрăç вĕрентекенсене тин çеç иртсе кайнă уяв ячĕпе саламларĕ. Пухăннисене хăйĕн кулленхи ěçěпе, ӳсĕмĕсемпе тата малашнехи ĕмечĕсемпе паллаштарчĕ. Ачасен ыйтăвĕсене  хуравларĕ, хăйĕн пурнăçĕнчи  интереслĕ самантсене  аса илсе хăварчě.  Кĕскен юрăç профессийĕ пирки ăнлантарчĕ.

 Çавăн пекех вăл çитес кунсенче тĕп хулара, Шупашкарта, хăйĕн ятарлă концерчĕ иртессине те  пĕлтерчĕ. Вĕрентекенсемпе  шкул ачисене  хăйĕн пултарулăх каçне чĕнсе хăварчĕ, татах килсе курма шантарчĕ.