Чӳк уйăхĕн 15-мĕшĕнче Елчěк муниципаллă округěн  Курнавăш вăтам шкулěнче  Вера Кузьминична Кузьмина çуралнăранпа 100 çул çитнине халалласа «Театр – чун уççи» мероприяти иртрĕ.

Вера Кузьмина чӑваш театрӗн историйӗнче тарӑн та çутӑ йӗр хӑварнӑ. Ун ятне Чăваш АССРĕн Ĕç Мухтавĕпе Паттăрлăхĕн Хисеп кĕнекине кĕртнĕ. Вăл – Чӑваш Патшалăх премийĕн лауреачĕ, Чăваш Республикин Хисеплĕ гражданинĕ,  Раççейри театрсен «Ылтăн маска» наци премийĕн лауреачĕ.  Чӑваш академи драма театрӗн сцени ҫинче 74 ҫул тӗрлӗ сӑнар чуна пырса тивмелле вылянӑ  Вера Кузьминична. Унӑн ятне сума суса кӗнеке те, фильм та хатӗрленӗ.  

Вĕренекенсем артисткăн пурнăçĕпе, сцена çинче калăпланă сăнарсемпе, пултаруллӑ артистка ҫинчен каласа паракан кӗнекесемпе паллашрӗҫ, вӑл вылянӑ рольсен сӑнӳкерчӗкӗсене пӑхса тухрӗҫ.

Юлашкинчен  викторина ыйтăвěсене хуравларěç, паллă артисткăн пултарулăхне аван пěлнине çирěплетрěç.