Çитĕнекен ăрăва патриотизмла воспитани парас, вě‌сене мĕн пĕчĕкрен Тăван çĕр-шыва юратма, хисеплеме вě‌рентес, мухтавлӑ педагогсен кун-çулĕпе, пархатарлă та сумлă ĕçĕсемпе паллаштарса вĕсемпе тивĕçлипе мухтанас, хисеплес туйăма аталантарас, вĕсенчен  ырǎ тĕслĕх илме вĕрентес тĕллевпе муниципаллă округра та, шкулта та тĕрлĕ мероприятисем йěркелесе ирттерчě‌ç.

Паян, раштав уйăхĕн 25-мěшěнче,  район администрацийĕн вĕренӳпе çамрăксен политикин пайĕ тата «Елчĕк ен ентешлĕхĕ» обществăлла организацийĕ Раççeйри Вĕpeнтекенпе наставник, Чăваш енри Телейлĕ ачалăx çyлталăкне халалласа çырнă «Юратататăп сана, Çěр-шывă‌м» сочиненисен конкурсне  пěтěмлетрěç. Унта Курнавăшри  пěтěмěшле пěлӳ паракан вăтам шкул ачисем те  хутшăнчěç.

Хаваслă уяв Çěнě çул чăрăшě умěнче иртрě. Уява  Елчěк  муниципалитет округěн пуçлăхě  Л.В.Левый уçрě. Вăл пуçтарăннисене Çěнě 2024 çул ячěпе саламласа çирěп сывлăх, çитěнӳсем тума ăнăçу сунчě. Çавăн пекех уява Елчĕк муниципалит округĕн пуҫлӑхӗн ҫумӗ - вӗренӳпе ҫамрӑксен политикин пайӗн начальникӗ В.А. Николаев тата ытти хăнасем те хутшăнчĕç. Малалла «Елчěк  ен ентешлěхěн»  ертӳçи Ю.М. Карпов конкурс çěнтерӳçисемпе призерěсене  Хисеп хучěсемпе хаклă парнесем парса чысларě. Призерсен йышěнче  Курнавăш шкулěн вěренекенěсем Васильева Настьăпа (8класс) Васильева Татьяна (9класс) пурри  вара савăнтарчě.

Çěнě çул уявě  хаваслă иртрě.  Унта Хěл мучипе Юр пике тата юмахри сăнарсем  илем кӳчěç.

Призерсене тата вěсене конкурса хатěрленě В.Н.Вороновăпа Н.М.Кузнецовăна  саламлатпăр,  малашне те  çитěнӳсем тума  сунатпăр.