Вĕренекенсенче Тăван çĕр-шыв хӳтĕлевçин кунĕ çинчен илнĕ пĕлĕве анлăлатас; Раççей Федерацийĕн çар çыннисене хисеплеме, Тăван çĕр-шыва хӳтĕлекенсене тав тума вĕрентес тĕллевпе 2024-мĕш çулхи нарăс уйăхĕн 19-мĕшĕнче Порфирьева Ф.Ю. Курнавăшри пӗтӗмӗшле пӗлÿ паракан вăтам шкулта кĕçĕн  класра вӗренекенсемпе чи пĕлтерĕшли «Тăван çӗр-шыв хÿтӗлевçин кунӗ» çинчен калаçрӗ.

Класс ертÿçи занятие кӳртĕм калаçуран пуçларӗ,  вĕренекенсем уявăн тупсăмĕпе паллашрӗç. Унтан кăткăс ыйтусем çине хурав шырарӗç, Федераци спикерĕсем чĕнсе каланă видеона курчӗç.

Малалла вӗрентекен ертсе пынипе икĕ енлĕ хутшăну ĕçне тата вăйă ĕçне пурнăçларӗç. Феонила Юрьевна  хăвăрт ăнланса илме пулăшакан калаçу  ирттерчӗ.  Кӗçӗн класри ачасем иллюстрацие пăхрӗç, Тăван çĕр-шыв хӳтелевçисене халалланă занятин сюжечĕ тăрăх шухăшласа кăларнă ку е вăл лару-тăрупа ĕçлерӗç, хăйсен тавракурăмне аталантарчӗç.

Юлашкинчен вӗренекенсем хăйсен ĕçĕпе, хăюлăхĕпе, хастарлахĕпе, профессилĕхĕпе, паттăрлăхĕпе мире, тăнăçлăха, çĕр-шывăмăрăн территорийĕпе халăхĕсен пĕрлĕхне сыхлакан çынсене тав турӗç.