Паян, 2024 ҫулхи нарӑс уйахӗн 20-мӗшӗнче, Елчӗк муниципаллӑ округӗнчи Курнавӑш вӑтам шкулӗнче 9-мӗш класра вӗренекен Васильева Татьяна тӑван чӗлхесен пӗтӗм тӗнче кунне халалланӑ предмет олимпиадине хутшӑнчӗ. Ӑна Чӑваш Республикин вӗренӳ министерстви, И. Я. Яковлев ячĕллĕ Чăваш патшалăх педагогика университечĕн истори, филологи, управлени тата право факультечӗ хатӗрлесе ирттерчӗ.

Пухӑннисене чи малтанах факультет деканӗ, экономика наукисен кандидачӗ Ильина Екатерина Анатольевна доцент саламларӗ. Студентсен пурнӑҫӗпе, вӗсен ҫитӗнӗвӗсемпе  паллаштарчӗ. Шкул ачисене паянхи олимпиадӑра ҫитӗнӳсем сунса хӑйсен пулас профессине тӗрӗс суйласа илме сӗнчӗ.

Олимпиадӑн ҫӗнтерӳҫисемпе призерӗсем ҫывӑх вӑхӑтра паллӑ пулӗҫ.