Юмах-халапсем ача-пăчана ăс хакăл пухма, ырă та тÿрě чунлă пулма, пěр-пěрне  хисеплеме, çут çанталăка, тăван тавралăха, çěр-шыва юратма, вěсене упрама, ырăпа усала уйăрма, пурнăç çине чěрě куçпа пăхма вěренме пулăшаççě. Апла пулсан, юмах ачашăн йăпанмалли япала кăна мар. Пěчěк çын юмаха пурнăçпа çыхăнтарма хăтланать, унта пулса иртекен ěçсем чăнах та пулнă тесе ěненет. Юмахри ěç-пуç ача чун-чěрине чăннипех çавăрса илет, тыткăнлать. Вěсем юмахçăн кашни сăмахне тимлě итлеççě. Вěт-шакăрăн кăмăлě яланах ырă та сăпайлă, ěçчен те паттăр çынсем енче. Ачасем вěсен ырă ěçěсемшěн савăнаççě.     

Нарăс уйăхěн 22-мěшěнче тăван чěлхе эрнине халалласа Елчĕк муниципаллă округěн Курнавăшри пĕтĕмĕшле пĕлӳ паракан вăтам  шкулта Порфирьева Ф.Ю. ертсе пынипе кӗçӗн класра вӗренекенсем «Юмах тӗнчи» ÿкерчӗксен конкурсне хастар хутшăнчӗç. Малтанах çамрӑк ÿнерçӗсем хӑйсен юратнӑ чăваш тата вырăс халăхěсен  юмахěсене,  вěсенчи хăйсем юратнӑ геройěсене  аса илчӗҫ.

 Кашни ача хăйӗн пултарулăхне, фантазипе ӑсталӑхне кӑтартма тăрăшрě. Ӳкерчӗксем питӗ илемлӗ те килěшӳллě пулса тухрӗç. Уйрăмах Андреева Валерия (2 класс), Цветкова Виктория, Павлов Роман (3 класс), Якимова Арина, Пчелов Александр (4 класс)  палăрчěç.