2024-мĕш çулхи пуш  уйăхĕн 11-мĕшĕнче Порфирьева Ф.Ю. Курнавăшри пӗтӗмӗшле пӗлÿ паракан вăтам шкулта кĕçĕн класра вӗренекенсемпе «Кăнтăр тинĕсĕсенчен пуçласа полюс тăрăхĕ таран» темăпа класс сехечӗ ирттерчӗ.

Чи  малтанах  вӗренекенсем чăваш писателĕ Валем Ахун çырнă сăмахсене итлесе Тăван çĕр-шыв тени мĕне пěлтернине  палăртрĕç. Унтан Раççейĕн «Тĕрĕллĕ карттине» тишкерчĕç. Ăна тăвас тесе Раççейĕн 89 регионĕнче пурăнакан 260 ытла ăста тăрăшнине, Раççейĕн карртине тĕрĕ мелĕпе тăвас шухăша чи малтан Чăваш Республикин правительстви каланине пĕлчĕç, хамăр республика ăçта иккенне тупса  ун çинчен калаçрĕç.

Чăваш Республикин  гербĕ çинче мĕн ӳкернине, герб пайĕсем мĕне пĕлтернине, республикăмăрăн мĕнле-мĕнле уйрăмлăхне кăтартнине сăнарĕç.

Регион ҫинчен пӗтӗмӗшле видеоролик пӑхса тухнӑ хыҫҫӑн вӗренекенсем хӑйсен регион ҫитӗнӗвӗсем ҫинчен пӗлӗве анлӑлатрӗҫ.Тӑван ҫӗршывӑн паллӑ вырӑнӗсем ҫинчен «Эпир Мухтанатпӑр!» интерактивлӑ  ĕçе пурнӑҫларěç,  «Вĕренӳ тата ăслăлăх», «Туризм», «Культура», «Промышленность», «Спорт», «Çурт-йĕр тăвасси» ӳкерчěксемпе ěçлерěç. Çавăн пекех Раççей выставкинче Чăваш Республикине епле кăтартни çинчен видео курчĕç.

Заняти вĕçĕнче класс ерӳçи ертсе пынипе вĕренекенсем  Чăваш ен чи лайăххине, вăл тăванран та тăван пулнине, Раççейĕн кашни регионĕ - кăнтăр тинĕсĕсенчен пуçласа полюс тăрăхĕ таран хăйне майлă илемлĕ тата çывăх пулнине  туйса илчĕç.

Кашни хăйне майлă, урăхла тата расна пулин те эпир хамăрăн аслă çĕршыва юратнипе пĕрешкел. Çак пĕрлĕх Раççейĕн вăйĕ пулса тăнине ăнланчĕç.