Тăван ен историйĕпе культурине тĕпчес, паллă çынсем çинчен тěплěнрех пĕлес, вĕсен пархатарлă ĕçĕ-хĕлĕпе паллашас тата тивĕçлипе мăнаçланас тĕллевпе  Курнавăш вăтам шкулĕнчи тăван ен  культури кружока çýрекенсем  Патăрьел муниципалитет округĕн Тури Туçа ялĕнче пурăнакан Валерий Иванович Салминăн çуртĕнчи  Космонавтика музейĕн уйрăмĕнче пулса курчĕç.

    Валерий Иванович хапха умне тухса кĕтсе илчĕ, хăй йĕркеленĕ пуян музейпа паллаштарма пуçларĕ. Экспонатсене, пĕлтерĕшлĕ хутсене, документсене, паллă çынсен сăн ÿкерчĕкĕсене ятарласа тунă пÿлĕмсене вырнаçтарнă. Паллă вырăнта Андриян Григорьевич Николаевăн сăн ÿкерчĕкĕ, малалла иртсен — Павел Поповичăн тата ытти космонавтсен. Çавăн пекех унта çар çыннисен, ĕç паттăрĕсен сăн ÿкерчĕкĕсем вырăн тупнă. Тепĕр пÿлĕмре вара — кил хуçи тивĕçнĕ Хисеп хучĕсемпе орден-медальсем. Çакăнтах кĕнекесем, документсем, пысăк пĕлтерĕшлĕ хутсем упранаççĕ. Валерий Иванович - чăн-чăн аваллăх управçи.

Пÿлĕмрен пÿлĕме çÿресе мĕн кăна курмарăмăр, мĕн кăна илтмерĕмĕр пулĕ!

Çавăн пекех вĕренекенсем Тури Туçа вăтам шкулĕнче те пулчĕç. Тĕрлĕ стендсемпе, шкул музейĕнчи пуян экспонатсемпе  паллашрĕç.

  Çул çýрев пурин кăмăлне те кайрĕ.